అందరు ఉన్న ఒంటరి వాడను- ఆప్తులే ఉన్నా ఆదరణే లేదు

 

 

పల్లవి: అందరు ఉన్న ఒంటరి వాడను-
ఆప్తులే ఉన్నా ఆదరణే లేదు.(2)

అందరి కన్నా మిన్నవు నీవే- పరలోక ప్రేమతో నన్నాదరించితివే(2)
ఎందుకో నన్ను ఆదరించినావు అందుకో ఈ ఆత్మీయ గీతం.(2)

1. కత్తిపోటు వంటి మాటలతో నా గుండె గాయమవ్వగా కన్నీరు కార్చి తిని(2)
కన్నీళ్లు జలపాతమాయే -
నా కంటికి కునుకే లేదే (రాదాయే)(2)
కన్నులు ఇచ్చినది నీవే యేసయ్యా నా కన్నీరు తుడిచేది నీవే యేసయ్యా(2)
ఎందుకో నన్ను కరుణించినావు- అందుకో ఈ క్రొత్త గీతం.(2)

2. బంధుబలగమే బాధ్యతే మరువగ - బాధతో నేను బలహీనుడనైతి(2)
నా గుండె భారముతో నిండే
నా బాట తేటగ లేదే(2)
నా భారము మోసినది నీవే యేసయ్యా - నా బాధ్యత అంతయు నీదే యేసయ్యా(2)
ఎందుకో నన్ను భరియించినావు అందుకో ఈ బలమైన స్తోత్రం.(2)

3. నా పక్షపు వారే పై పై ప్రేమను చూపగా - నా ప్రాణము నాలో తల్లడిల్లుచున్నది(2)
నా ప్రశ్నకు జవాబు లేదే సమాధానమే కరువాయే(2)
ప్రాణమిచ్చినది ( ప్రాణము ఇచ్చినది)నీవే యేసయ్య - నను పదిలపరచినది నీవే యేసయ్యా(2)
ఎందుకో నన్ను ప్రేమించినావు అందుకో ఈ ప్రేమ గీతం.(2)

 PASTOR: RANJITH KUMAR
RANJITHKUMARRAPHA@GMAIL.COM