దేవా నీ కృప పొందుటకు - నాలోన ఏమున్నది

దేవా నీ కృప పొందుటకు - నాలోన ఏమున్నది
మలినమైనది నా గతం - చేజారినది నా జీవితం
ఉదయించే నాలో నీ స్వరం - వికసించెనుగా నా హృదయం

యేసు నీ కృపయేగా - ఇది నీ కృపయేగా
ఇది నీ కృపయేగా - వేరే లేదుగా !


వేషధారివని లోకం వెక్కిరించుచుండగా
దారి మరచి నిన్నే విడిచి నీకు దూరమవ్వగా
కోర్కెలన్ని కన్నీలై - కడకు నిన్ను చేరగా
కనికరించి ఓదార్చి స్వీకరించినావుగా

యేసు నీ కృపయేగా - ఇది నీ కృపయేగా
ఇది నీ కృపయేగా - వేరే లేదుగా !


ఏ యోగ్యత లేని నన్ను నీవెన్నుకున్నావు
నీ ఉన్నత సేవకు నన్ను పిలుచుకొన్నావు  
ఉప్పులా ఉండాలని - ఊటనై పారాలని
నీలోన నిలచి నే ఫలియించాలని

యేసు నీ కృపయేగా - ఇది నీ కృపయేగా
ఇది నీ కృపయేగా - వేరే లేదుగా !

దీనుడా అజేయుడా - ఆదరణ కిరణమా ! Deenudaa Ajeyudaa Hossnna Songs 2021

 

 

దీనుడా అజేయుడా - ఆదరణ కిరణమా
 పూజ్యుడా పరిపూర్ణుడా - ఆనంద నిలయమా
 జీవదాతవు నీవని శృతిమించి పాడనా
 జీవధారవు నీవని కానుకనై పూజించనా
అక్షయ దీపము నీవే - నా రక్షణ శృంగము నీవే
 స్వరార్చన చేసిద నీకే - నా స్తుతులర్పించెద నీకే

 1: సమ్మతిలేని సుడిగుండాలే - ఆవరించగా
 గమనములేని పోరాటాలే - తరుముచుండగా
 నిరుపేదనైన నాయెడల - సందేహమేమి లేకుండా
హేతువేలేని - ప్రేమ చూపించి - సిలువచాటునే దాచావు
 సంతోషము నీవే - అమృత సంగీతము నీవే
స్తుతిమాలిక నీకే - వజ్రసంకల్పము నీవే            "దీనుడా"


2: సత్య ప్రమాణము నెరవేర్చుటకే - మార్గదర్శివై
 నిత్యనిబంధన నాతో చేసిన - సత్యవంతుడా
విరిగి నలిగిన మనస్సుతో - హృదయార్చనే చేసేద
 కరుణనీడలో - కృపావాడలో - నీతో ఉంటే చాలయ్యా
కర్తవ్యము నీవే - కనుల పండుగ నీవేగా
 విశ్వాసము నీవే - విజయశిఖరము నీవేగా            "దీనుడా"

 3: ఊహకందని ఉన్నతమైనది - దివ్యనగరమే
స్పటికము పోలిన సుందరమైనది - నీరాజ్యమే
ఆ నగరమే లక్ష్యమై - మహిమాత్మతో నింపినావు
అమరలోకాన - నీసన్నిధిలో - క్రొత్త కీర్తనే పాడెదను
 ఉత్సాహము నీవే - నయనోత్సవం నీవేగా
 ఉల్లాసము నీలో - ఊహలపల్లకి నీవేగా              "దీనుడా"

 

 

 

దేవుని ప్రేమ - దేవుని ప్రేమ - శాశ్వతమైన ప్రేమ

    దేవుని ప్రేమ - దేవుని ప్రేమ - శాశ్వతమైన ప్రేమ - 2
    నిన్నా నేడూ ఎల్లపుడూ - మారని యేసు ప్రేమ - 2

    1.  ప్రతిదినం ప్రత్యేకముగా - కాచి కాపాడే ప్రేమ
    అన్నివేళలలో నన్ను - లాలించే దివ్య ప్రేమ
    ఆశీర్వదించే ప్రేమా - ఆదరణ చూపే ప్రేమా - 2

    2. తల్లిదండ్రులు విడచినా - వీడని నా యేసు ప్రేమ
    ఎన్ని బాధలు కలిగినా - నాకు తోడుగా నిలిచే ప్రేమ
    నన్ను నడిపించే ప్రేమా - నా యేసు క్రీస్తుని ప్రేమా - 2

దేవుని స్తుతియించుడి - ఎల్లప్పుడు దేవుని స్తుతియించుడి ఆ ..

    దేవుని స్తుతియించుడి - ఎల్లప్పుడు దేవుని స్తుతియించుడి  ఆ ..
 
    1.  ఆయన పరిశుద్ద ఆలయమందు - ఆయన సన్నిదిలో
         ఆ .. ఆ .. ఆయన సన్నిదిలో - ఎల్లప్పుడు                             

    2.  ఆయన బలమును ప్రసిద్ది చేయు - ఆకాశ విశాలమందు
         ఆ .. ఆ.. ఆకాశ విశాలమందు - ఎల్లప్పుడు

    3.  ఆయన పరాక్రమ కార్యముల్ బట్టి - ఆయన ప్రభావమును
          ఆ..ఆ.. ఆయన ప్రభావమును - ఎల్లప్పుడు

    4.  బూర ధ్వనితో ఆయనన్ స్తుతియించుడి - స్వరమండలములతో
         ఆ...ఆ.. స్వరమండలములతో - ఎల్లప్పుడు

    5.  సన్నాతంత్రుల సితారతోను - చక్కని స్వరములతో
         ఆ..ఆ.. చక్కని స్వరములతో - ఎల్లప్పుడు

    6.  తంబురతోను నాట్యముతోను - తంతి వాయిద్యములతో               
         ఆ..ఆ.. తంతి వాయిద్యములతో - ఎల్లప్పుడు

    7.  పిల్లన గ్రోవులు చల్లగానూది - ఎల్ల ప్రజలు చేరి
         ఆ..ఆ.. ఎల్ల ప్రజలు చేరి - ఎల్లప్పుడు

    8.  మ్రోగు తాళములతో ఆయనను స్తుతియించుడి గంభీర తాళముతో
          ఆ..ఆ.. గంభీర తాళముతో - ఎల్లప్పుడు

    9.   సకలా ప్రాణులు యెహోవాను స్తుతియించుడి - హల్లెలుయా ఆమెన్
          ఆ..ఆ.. హల్లెలుయా ఆమెన్ - ఎల్లప్పుడు